مشكوور يابايع مشاعرك مشكوور

**الجووري** الثلاثاء يونيو 14, 2011 6:17 pm

مشكور يا بايع مشاعرك مشكـور.....
.....العام ذنـب وهالسنـه ذنـب ثانـي

وش عاد اقول ولا بقى شي مستـور..
....ما طعتني يوم ابتسـم لـي زمانـي

لا تعتذر لو خاطري منك مكسور.......
......لا تفتكرنـي دام قلبـك نسـانـي

لا لا تقـول ان الليالـي لهـا دور.....
......شف من هو اللي كان فينـا أنانـي

مدري تصنعت الغلا زور فـي زور..
.....مدري انا اللي حيل كنـت متفانـي

مثل العما ما تنفعه طلعة النور.........
......النور بعيـون العمـا مـا يبانـي

عندي خبر لو جاك من يمي قصـور...
.....لأقول انا مخطـي وربـي جزانـي

لو شفتني قاسي عليك انت معـذور....
شفني من أول جـرح لا زلـت أعانـي

انا بشر مثلك لي احساس وشعور......
....واغتـاظ لا مـس الكـلام بكيانـي

حتى وانا في قمة الغيـظ مقهـور......
.....بعض الحكي عيـا يقولـه لسانـي

ابقولها لو قلت لي صابك غـرور......
......ما فيه احد ياخـذ بقلبـك مكانـي

العام قلبي فيك هايم ومجبـور.........
.......العام لا منـي جفيتـك عصانـي

واليوم حبك في حنايـاه مقبـور.......
........لو ما دعيتـه للمفـارق دعانـي

ذاك الهوى ما عاد لك فيه مقـدور....
....ابعد مـن ايـام الرشـي والسوانـي

ما دمت راضي عن عذابي ومسرور..
... مطرود ابـو قلـب ٍ عليـك يحدانـي

رآقت لي اتمنى انهآ تلآمس آذوآقكمـ

اختكم
االجووري

**الغـامض** الثلاثاء يونيو 14, 2011 7:42 pm

صح ـلسانـك قصديـه في قمت الروعه

**الجووري** الثلاثاء يونيو 14, 2011 8:12 pm

صح بدنك ياااخوي ولاهنت ع المرور لاخلا ولاعدم
لك وودي واحترامي

مشكوور يابايع مشاعرك مشكوور

مشكوور يابايع مشاعرك مشكوور

رد: مشكوور يابايع مشاعرك مشكوور

رد: مشكوور يابايع مشاعرك مشكوور