اشعار حامد زيد

القصيده :انتي ولا شيّ
والله وصرتي تستهينين فيني
وانا الذي سويت لك قدر بيديّ

تدرين وش كنتي قبل تعرفيني ؟
ان قلت لك كنتي ولا حاجة شويّ
انا الذي فرشت لك رمش عيني
وعملت منك شي وانتي ولا شيّ
جيت اعشقك ما جيتك لك تحقريني
جيت اسكنك بسمة ما هو بسكنك غيّ
لا صرت عامل لك قدر قدريني
ترا الكرامة صفحة ما لها طيّ
ما دام ما جيتي غلا لا تجيني
نار الجفا عندي ولا الذل بالفيّ
والله لاهجرك قبل لا تهجريني
اجل تبيعيني واجيلك برجليّ
يا تتركين الكبر يا تتركيني
لأن المحبة شي والمهزله شيّ
إن كانت الدعوة غلاي وحنيني
يمكن يزول الحقد ويشعشع الضيّ
لكن حكاية ينحني لك جبيني
في ذمتي ما ينحني لك وانا حيّ




ليه تطعني وانا ميت بليا
ما كفاك اللي حصل لي قبل ساعه


كن بين همومي وبينك حميا
جيتكم واحد جيتوني جماعه

انت منا والمصايب منيا
كلكم ضدي ترا ما هي شجاعه

ما ابشع من جروح طعنات القفيا
غير سكيناً تصيب بهالبشاعه

لا تتوب ولا تذوب ولا تريا
جرحها جرح وفضاعتها فضاعه

ترتوي من فيض دمي وتتفيا
وصار قلبي مثل اخوها بالرضاعه

وانت ليلاً لو ضويتها ما يضيا
ضعت فيه وشفت نفسي في ضياعه

اتهيا وين ما شفته تهيا
وارسي بمرساه وشراعي شراعه

من عرفته والمحيا في المحيا
وما يروح الا ذراعي في ذراعه

ان رضيت ارضيه وان عيت عيا
وان طلبني قلت له سمعاً وطاعه

ما عشقت من النجوم الا الثريا
وما ملكت من الكنوز الا القناعه

وانت وجيوش الموادع والجفيا
كيف اوقف ضدكم وانتم جماعه

لو بجيكم بالشجاعه والحميا
البلى ان الكثره تغلب الشجاعه
الشاعر الكبير
حامد زيد

تحياتي كلاش

رووووووووووووووووووووووعة




من زمان ادور



لها